Богд хааны ордон музейд AR технологид суурилсан “Виртуал тайлбарлагч”-ийг нэвтрүүллээ.
Богд хааны ордон музейд AR технологид суурилсан “Виртуал тайлбарлагч”-ийг нэвтрүүллээ.Уг виртуал тайлбарлагч нь Богд хааны сүүлчийн хатан Гэнэнпилийн 3D дүрээр хийгдсэн бөгөөд музейн үзмэр үзүүллэгийн орчинд байрлаж, Хаан, Хатны эдэлж, хэрэглэж байсан эд өлгийн зүйлс болон бусад холбогдох үзмэрүүдийг зочдод тайлбарлан танилцуулах юм.
Мөн Богд хааны их сангийн даамал, заан маллагч Өндөр Гонгор, хөгжмийн зохиолч, Төрийн хошой шагналт Л.Мөрдорж болон Богдын бор зааныг AR технологийн тусламжтайгаар бодитоор бий болгон харж, хамтдаа зургаа авхуулах боломжтой.
Уг ажлын үр дүнд Богд хааны ордон музейг тайлбарлагчгүйгээр гар утас болон “AR Mongolia” аппликейшны тусламжтайгаар илүү сонирхолтой байдлаар бие даан үзэж сонирхох боломж бүрдэж байна.
